Фуқаролардан келиб тушган мурожаатларни ҳар томонлама ва холисона ўрганиш, уларда кўтарилган масалаларга ойдинлик киритиш мақсадида Ўзбекистон маданият, спорт ва туризм ходимлари касаба уюшмаси Республика Кенгаши масъул ходимлари томонидан Самарқанд вилоятига хизмат ташрифи амалга оширилди.

Ташриф давомида Республика Кенгаши бош юрисконсульти А. Гайназаров ҳамда ижтимоий-иқтисодий ҳимоя масалалари бўйича бош мутахассиси У. Халиков Самарқанд вилояти маданият бошқармаси тизимидаги Қўшработ тумани маданият бўлимида бўлиб, фуқаролар мурожаатларида кўрсатилган масалаларга оид ҳужжатлар билан танишдилар.

Ўрганиш жараёнида мавжуд ҳужжатлар, меҳнат муносабатларига оид маълумотлар ҳамда мурожаатда кўтарилган масалаларга тааллуқли бошқа материаллар кўриб чиқилди.

Мурожаатларни қонунчилик талаблари асосида ўрганиш, ходимларнинг меҳнат ҳуқуқлари ва қонуний манфаатларини таъминлаш ҳамда аниқланган масалалар юзасидан тегишли чоралар кўришга алоҳида эътибор қаратилди.